Forca paqeruajtëse e Kombeve të Bashkuara në Liban (UNIFIL) tha sot se një nga anëtarët e saj u plagos kur predha goditi bazën e misionit pranë fshatit Houla, në kufirin e Libanit me Izraelin, të shtunën.
Ushtria izraelite dhe Hezbollahu në Liban i mbështetur nga Irani kanë shkëmbyer zjarr në baza ditore që nga fillimi i konfliktit në Gaza tre javë më parë.
Rreth 46 luftëtarë të Hezbollahut janë vrarë dhe 43 janë plagosur përgjatë kufirit deri më tani, tha grupi, duke shtuar se kishte kryer 84 sulme në 42 pika përgjatë kufirit që nga fillimi i përleshjeve. Ushtria izraelite thotë se të paktën shtatë ushtarë izraelitë janë vrarë deri më tani.
UNIFIL tha të shtunën se selia e saj pranë qytetit bregdetar libanez Nakura u dëmtua gjithashtu nga një predhë që ra në bazë, shkruan REUTERS.
“UNIFIL është thellësisht i shqetësuar për këto dy sulme kundër ushtarëve tanë, të cilët po punojnë pa u lodhur 24 orë në ditë shtatë ditë në javë për të rivendosur stabilitetin në Libanin jugor dhe për të de-përshkallëzuar këtë situatë të rrezikshme,” tha forca paqeruajtëse e OKB-së në një postim social në platformën e X.
