Një hetim i Premier League që heton epokën e Roman Abramovich te Chelsea thuhet se do të përfshijë nënshkrimet e futbollistëve Willian dhe Samuel Eto’o.
The Times raporton se hetimi po shqyrton pagesat e Chelseat ‘të lidhura me transferimet sekrete’ të bëra nga Blutë gjatë kohës së Abramovich në klub (2003-2022) dhe mes kontrolleve të tjera, do të shqyrtojë transaksionet financiare të dyshes, të cilët nënshkruan nga klub rus Anzhi Makhachkala në gusht 2013.
Anësori brazilian Willian iu bashkua ekipit të Stamford Bridge për 30 milionë £ 10 vjet më parë dhe në të njëjtën merkato u transferua edhe ish-sulmuesi i Barcelonës Eto’o.
Përveç kësaj, raporti pretendon se të dhënat financiare tregojnë se pagesat mund të jenë bërë për ‘entitetet ruse’ që ishin të ndara nga çdo tarifë transferimi.
Pagesat u zbuluan gjatë procesit të hetimit të thellë që u ndërmor nga konsorciumi Clearlake Capital i Todd Boehly kur ata po blinin klubin nga Abramovich në 2022.
