Mbledhja e sotme e Komisionit për Çështjet Ligjore është shoqëruar nga tensionet, pasi deputetët e opozitës kanë akuzuar kryetaren Klotilda Bushka se ka shkelur Rregulloren me përjashtimin e deputetëve.
Për këtë arsye, nuk kanë lejuar zhvillimin normal të mbledhjes së Komisionit, duke mos lejuar përfaqësuesit e Qeverisë që të flasin dhe as deputetët e Partisë Socialiste.
Deputeti i PD Bledjon Nallbati, i cili qëlloi me grusht një ditë më parë në seancë me deputetin e PS Vullnet Sinaj, ka debatuar me kryetaren e Komisionit, Klotilda Bushka.
Kjo e fundit i është drejtuar duke i thënë që për t’i dhënë fjalën, duhet të kërkojë falje për dhunën në Parlament. Pas këtij momenti ka nisur dhe debati, c’ka ka sjellë më pas dhe ndërprerjen e mbledhjes.
Pjesë nga debati:
Korreshi: Si mundet të shkelësh kushtetutën dhe të njofton 12 minuta para, nuk më vjen as materiali. Le që Byronë, a jemi një m*t komisioni ligjesh apo çfarë jemi?
Bushka: Kujdes etikën, ta ndërpres fjalën se nuk është çështje procedure.
Korreshi: Fare, do flas…
Bushka: Mendova se do kërkoni falje që një koleg deputet godet me grusht një deputet në Kuvend…
Nallbati: më jep pak fjalën zonjë
Bushka: Jo nuk ua jap nëse nuk kërkoni falje për aktin që bëtë
Nallbati: O ti zonjë me jep çik fjalën se fole për mua
Bushka: Ndërpritet seanca
