Kryeministrja Giorgia Meloni është politika e radhës që ra viktimë para mbledhjes së Asamblesë së Përgjithshme të Kombeve të Bashkuara në shtator të një telefonate shakaje nga dy komedianë rusë, në të cilën ajo aludonte për lodhjen e shkaktuar nga lufta në Ukrainë dhe tha se së shpejti do të duhej një rrugëdalje nga konflikti.
Meloni ishte viktimë e një telefonate ‘të rreme’ me çiftin e komikeve, Vovan (Vladimir Kuznetsov) dhe Lexus (Alexey Stolyarov), njëri prej të cilëve u paraqit si president i Komisionit të Bashkimit Afrikan, përcjellin mediat italiane.
Episodi ndodhi më 18 shtator, përpara Asamblesë së Përgjithshme të OKB-së.
Gjatë bisedës telefonike, kryeministrja ndër të tjera vuri në dukje se “ka shumë lodhje nga të gjitha anët” për konfliktin në Ukrainë dhe “po afron koha kur të gjithë do të kuptojnë se na duhet një rrugëdalje”.
“Kam disa ide se si ta trajtoj këtë situatë”, shtoi Meloni, “por jam duke pritur momentin e duhur për t’i vënë ato në tryezë”.
“Zyra e Këshilltarit Diplomatik të (Kryeministrit) i vjen keq që u mashtrua nga një mashtrues, i cili u vetëvlerësua si President i Komisionit të Bashkimit Afrikan dhe që u vu në kontakt telefonik me Kryeministren Meloni.
Episodi ndodhi më 18 shtator në kuadrin e përpjekjeve intensive të Kryeministrit Meloni në ato orë për të forcuar marrëdhëniet me liderët afrikanë me të cilët ajo pati takime të rëndësishme në margjinat e Asamblesë së Përgjithshme të OKB-së midis 19 dhe 21 shtatorit”-raportuan nga zyra e kryeministres italiane.
