Një banor i Gazës, duke folur për mediat e huaja nga kampi i refugjatëve al-Shati, shprehet se ushtria izraelite ka hedhur fletëpalosje duke u kërkuar njerëzve të largohen në jug brenda “tre orësh”.
Zak Hania shton se është shumë e rrezikshme të lëvizësh nga veriu, pasi rrugët janë në “errësirë të plotë” për shkak të mungesës së energjisë elektrike.
“Tanket izraelite janë në mes të Gazës, ata do të qëllojnë ndaj nesh. Ndërsa disa banorë kanë kërkuar strehim në shkolla, të tjerë kanë zgjedhur të qëndrojnë aty, duke thënë se “ne do të vdesim në shtëpitë tona”, tha Hania.
Duke iu drejtuar udhëheqësve botërorë, Hania tha: “A po ju pëlqen ky film horror?”
“Sa njerëz duhet të vdesin, të vriten, që njerëzit, që bota, që liderët botërorë të lëvizin për të bërë diçka? Ne kërkuam një armëpushim. Ne jemi të gjithë civilë.”
