Një incident ka ndodhur në ujërat ndërkombëtare në brigjet e Japonisë, me zhytësit e Marinës Australiane që pësuan lëndime të lehta pasi u ekspozuan ndaj impulseve të sonarit nga një anije luftarake kineze.
Konkretisht, fregata australiane HMAS Toowoomba po operonte në zonë në mbështetje të një misioni sanksionesh të Kombeve të Bashkuara kur ndodhi incidenti.
Zhytësit e marinës australiane po punonin për të hequr rrjetat e peshkimit nga helikat e fregatës australiane kur anija luftarake kineze filloi të përdorë hidrolokatorin e saj të montuar në byk.
Sipas ministrit australian të mbrojtjes Richard Marles, fregata ishte siguruar që të jepeshin paralajmërime të shumta për anijet, që në zonë po zhvilloheshin operacione zhytjeje.
“Pavarësisht identifikimit të komunikimeve të Toowoomba, anija kineze u afrua shumë afër,” tha ai. “Menjëherë më pas, sonari i montuar në byk u zbulua se funksiononte në një mënyrë që përbënte një rrezik sigurie për zhytësit australianë, të cilët u detyruan të dilnin nga uji.”
Zhytësit thuhet se pësuan lëndime në veshët e tyre, me gjasë për shkak të pulseve të sonarit.
Qeveria federale e Australisë shprehu shqetësime serioze ndaj qeverisë kineze, me Richard Marles që e quajti incidentin një “ndërveprim të pasigurt dhe joprofesional” dhe shtoi se anijet e Marinës së vendit po kryenin aktivitete të mbikëqyrjes detare në zonë”, sipas ligjit ndërkombëtar.
Incidenti erdhi më pak se dy javë pasi Anthony Albanese bëri vizitën e tij të parë zyrtare në Pekin, e para nga një kryeministër australian në kryeqytetin kinez në shtatë vjet.
