Kryeministri i Katarit thotë se vetëm pengesat “shumë të vogla” për marrëveshjen e lirimit të pengjeve mbeten dhe këto janë kryesisht çështje praktike dhe logjistike.
Kryeministri izraelit Benjamin Netanyahu tha se asgjë nuk është rënë dakord ende dhe përjashton një armëpushim të plotë, Shtëpia e Bardhë thotë se zyrtarët po punojnë për të rënë dakord për një marrëveshje.
Më herët Washington Post raportoi se Izraeli, Hamasi dhe SHBA ishin afër marrëveshjes për lirimin e disa pengjeve në këmbim të një pauze në luftime, sipas BBC.
Organizata Botërore e Shëndetësisë bëri me dije se 291 pacientë të sëmurë rëndë, përfshirë 32 foshnja, janë ende në spitalin al-Shifa në qytetin e Gazës, pasi shumë palestinezë u evakuuan në këmbë të shtunën, ndërsa Agjencia palestineze e lajmeve Wafa thotë se 13 persona janë vrarë në një sulm ajror izraelit në kampin e refugjatëve Nuseirat në Gaza qendrore dhe dy të tjerë në një sulm ndaj Khan Younis.
Ministria e shëndetësisë e drejtuar nga Hamasi në Gaza tha se më shumë se 12,300 njerëz janë vrarë në territor që kur Izraeli filloi fushatën e tij kundër Hamasit.
