Seanca e sotme ku do diskutohej projekt-buxheti përfundoi më shpejt sesa nisi.
Në Kuvend pati përplasje mes Gardës dhe deputetëve të opozitës, bllokim të foltores me karrige tymuese dhe flakë.
Deputetët e opozitës ashtu siç kishin paralajmëruar zhvilluan aksionin e tyre për bllokimin e diskutimeve për projektbuxhetin 2024.
Nga ana tjetër shumica socialiste e miratoi në parim projektbuxhetin dhe ndryshimet ligjore në vetëm 5 minuta duke mos bërë asnjë diskutim mbi to.
Ndërkohë që socialistët ngrinin kartonët në ato pak minuta, deputetët e PD-së ndezën tyemuese shumëngjyrëshe. Një prej tymuese mori flakë dhe Garda u detyrua të përdorte ujë për ta shuar.
Pas këtyre zhvillimeve, drejtuesja e seancës, Lindita Nikolla mbylli zhvillimin e punimeve të Kuvendit për seancën e sotme.
