Një avion zbulues i marinës amerikane u zhyt në Oqeanin Paqësor pas një përpjekjeje të dështuar për ulje në një bazë të Korpusit të Marinës në Haëaii të hënën pasdite, thanë zyrtarët ushtarakë.
Aeroplani “P-8A Poseidon” kapërceu një pistë në bazën e Marinës në Gjirin Kaneohe ndërsa po përpiqej të ulej, sipas zëdhënësit të Korpusit të Marinës, Orlando Perez.
Nëntë anëtarët e ekuipazhit të aeroplanit ishin në gjendje të ktheheshin në breg të sigurtë, njoftuan Shërbimet Mjekësore Emergjente të Honolulus.
Mediat vendase shpërndanë foto dhe pamje të avionit pas përpjekjes së dështuar të uljes, me mjetin ajror që notonte në ujërat e cekëta në gjirin Kaneohe.
Deri më tani, zyrtarët ushtarakë kanë zbuluar pak hollësi rreth incidentit, duke përfshirë atë që mund ta ketë shkaktuar atë, dhe ende nuk kanë ofruar një afat kohor se kur do të nxirret avioni nga deti.
Sipas një meteorologu të Shërbimit Kombëtar të Motit të Honolulu-s, Thomas Vaughan, dukshmëria në zonë ishte rreth 1.6 km dhe kushtet ishin me re dhe me shi në kohën e incidentit.
