Një aksident i rëndë ka ndodhur në aksin rrugor Stjar – Bajkaj, Sarandë. Tre adoleshentë të moshave 13, 14 vjeçare duke udhëtuar me një mjet “Benz” kanë dalë nga rruga dhe kanë përfunduar në një përrua.
Menjëherë kanë shkuar në vendngjarje ambulancat e Sarandës dhe 3 të aksidentuarit janë transportuar në urgjencën e qytetit. Adoleshentet janë A.D-14 vjeç. F.H-13 vjeç dhe E.K-14 vjeç. Sakaq, 14 vjeçari A.D është në gjendje të rëndë.
Policia ndodhet në vendngjarje dhe grupi hetimor po punon për zbardhjen e plotë të rrethanave të aksidentit.
Njoftimi i Policisë:
Sarandë/Informacion paraprak
Rreth orës 19:25, në afërsi të fshatit Bajkaj, Delvinë, dyshohet se një shtetas i mitur, duke drejtuar një automjet tip “Benz”, ka humbur kontrollin mbi drejtimin e tij dhe automjeti ka dalë nga rruga.
Si pasojë e aksidentit janë dëmtuar shtetasi që dyshohet se drejtonte automjetin dhe 2 shtetas të tjerë të mitur që udhëtonin në automjet (të moshave 13-15 vjeç), të cilët janë transportuar në spital dhe ndodhen në kujdesin e mjekëve.
Policia ka bllokuar automjetin, i cili dyshohet se është në pronësi të babait të njërit prej shtetasve të mitur.
Grupi hetimor po punon për sqarimin e rrethanave të aksidentit.
