Në Samitin e Diasporës, Kryeministri Edi Rama i akordoi trajnerit të Kombëtares shqiptare, Sylvinho, “Shqiponjën e Artë”.
“Duhet të ndërroj regjistër për të kaluar te kjo shqiponjë. Nuk e kam as për një shqiptar as për një arbëresh. Shqiptar mund të lindësh shqiptar mund të bëhesh. Dhe këtë shqiponjë e kam për një shqiptar në lindje e sipër. Ftoj trajnerin e kombëtares tonë Sylvinho“, tha Rama.
Trajneri i kombëtares foli në gjuhën shqipe në momentin e pranimit të çmimit, ndërsa të pranishmit i përshëndeti me fjalën “mirëmbrëma”.
“Mirëmbrëma. Shumë faleminderit. Faleminderit të gjithëve”, tha Sylvinho.
