Rusia nisi të shtunën sulmin e saj më të madh me dron kundër kryeqytetit të Ukrainës, Kiev që nga fillimi i pushtimit të saj, sipas zyrtarëve lokalë.
“Gjithsej 75 drone Shahed u lëshuan nga dy drejtime – Primorsko-Akhtarsk dhe rajoni Kursk në Rusi. Objektivi kryesor ishte qyteti i Kievit”, tha Forcat Ajrore të Ukrainës në një postim në Telegram, duke e përshkruar sulmin si një “numër rekord” të dronëve.
Ai tha se mbrojtja ajrore ka kapur 71 dronë të prodhuar nga Irani në gjashtë rajone të Ukrainës – por shumica dërrmuese e dronëve u kapën në rajonin e Kievit.
“Trupat e raketave kundërajrore, aviacioni taktik, grupet e lëvizshme të zjarrit dhe njësitë e luftës elektronike u përfshinë në zmbrapsjen e sulmit ajror,” thanë forcat ajrore.
Ai shtoi se një raketë e drejtuar Kh-59 u shkatërrua gjithashtu në rajonin e Dnipropetrovsk.
Të paktën dy persona u plagosën në lagjen Solomianskyi të Kievit, sipas kryebashkiakut të Kievit, Vitalii Klitschko.
Disa lokacione në distriktin Solomianskyi morën zjarr, duke përfshirë një ndërtesë banimi dhe ambiente të tjera jo-rezidenciale, tha Klitschko.
Ai shtoi se kati i dytë i një ndërtese banimi pesëkatëshe në lagjen Solomianskyi u dëmtua dhe se rrënojat e dronëve të rrëzuar ranë në dy ndërtesa banimi – njëra në lagjen Dniprovskyi, tjetra në lagjen Holosiivskyi.
Në një deklaratë të veçantë, Serhii Popko, kreu i administratës ushtarake të qytetit të Kievit, tha se një zjarr kishte shpërthyer në ambientet e një kopshti fëmijësh pasi një dron u rrëzua në lagjen Solomianskyi.
