Presidenti francez Emmanuel Macron tha se shkatërrimi total i Hamasit do të kërkonte 10 vjet luftime, duke shtuar se Izraeli duhet të përcaktojë më tej qëllimin e tij përfundimtar me luftën.
Duke folur në një konferencë për shtyp në bisedimet për klimën COP28 në Dubai, Macron tha se do të udhëtonte në Katar për të “punuar së bashku për një armëpushim të ri sa më shpejt të jetë e mundur”.
Izraeli të shtunën tërhoqi ekipin e tij të negociatorëve nga Katari pasi arritën në një “bllokim” në bisedime , sipas një deklarate nga zyra e kryeministrit izraelit Benjamin Netanyahu.
Macron tha se duhet të ketë një armëpushim të përhershëm.
“Nëse është kështu, lufta do të zgjasë 10 vjet dhe nuk mendoj se dikush është në gjendje ta përcaktojë këtë qëllim. Kështu që do të duhet të përcaktohet më mirë,” shtoi ai.
Macron ka përsëritur të drejtën e Izraelit për t’u mbrojtur, por ai tha se “e drejta për mbrojtje nuk ju jep, në asnjë mënyrë, të drejtën për të sulmuar civilët”.
Forcat e Mbrojtjes së Izraelit kanë thënë se nuk synojnë civilët, shkruan BBC.
