Ligji i ri për “tingujt dhe erërat e fshatit” synon t’u japë më shumë mbrojtje fermave ekzistuese nga banorët e sapoardhur në zonë.
Të rinjtë e qytetit që shpërngulen në fshatrat franceze, vetëm për të gjetur zhurmën e këndimit të gjelave, lehjen e qenve, makineritë bujqësore ose erën e plehut organik që nuk mund të durojë, nuk do ta kenë më aq të lehtë të bëjnë një ankesë.
Parlamenti francez ka miratuar një ligj që synon të kufizojë konfliktet mes fqinjëve dhe të shmangë paditë “abuzive” nga “banorët neorural” kundër fermerëve.
Projektligji, i paraqitur nga deputetja e shumicës në pushtet, Nicole Le Peih dhe i mbështetur nga qeveria qendrore e Presidentit Emmanuel Macron, u miratua me 78 vota kundër 12 dhe tani do të kalojë në Senat.
Ministri i Drejtësisë Eric Dupond-Moretti tha në platformën e mediave sociale X: “Ky ligj do t’i japë fund padive abuzive kundër fermerëve që nuk bëjnë gjë tjetër veç punës së tyre: na ushqejnë. Është një propozim me sens të përbashkët, sens të përbashkët për vendin”.
Franca dhe vendet e tjera alpine kanë pasur një histori të gjatë konfliktesh midis ish-banorëve të qyteteve dhe fqinjëve të tyre të rinj në fshat.
Në vitin 2021, Franca prezantoi legjislacionin për të mbrojtur “trashëgiminë shqisore të fshatit francez”.
Por “ligji Maurice the Rooster” ka rezultuar i vështirë për t’u zbatuar me ankesat e paraqitura për “trazira anormale të lagjeve” që – deri tani – janë lënë në diskrecionin e gjyqtarëve.
Gati 500 fermerë aktualisht po përballen me padi nga fqinjët që kanë probleme me zhurmën ose aromat që dalin nga fermat e tyre, sipas BFM TV.
Në vitin 2019, Maurice që jetonte në ishullin bregdetar të Saint-Pierre-d’Oléron në New Aquitaine, u lejua të vazhdonte të këndonte pasi kundërshtarët humbën padinë kundër pronarit të tij.
Ligji i ri është më i gjerë, ku parashikohet se asnjë banor nuk mund të përdorë ligjin për të sfiduar veprimtarinë e fermerëve që operonin aty përpara se të vinin.
Kështu, nëse një fqinj shqetësohet nga një subjekt kryer aktivitet përpara mbërritjes së tyre, ai nuk do të jetë në gjendje të bëjë ankesë.
“Është gjithashtu mënyra për të garantuar aplikimin uniform në të gjithë territorin kombëtar,” tha Nicole Le Peih.
Megjithatë, ajo nuk “u jep një çek bosh” atyre që janë përgjegjës për “trazira anormale” në lagje, theksoi ajo.
Nëse aktiviteti nuk është në përputhje me legjislacionin ose rregulloret, veçanërisht në çështjet mjedisore, personi përgjegjës do të mbahet përgjegjës.
“Krenar që mbështes ata që punojnë në fushat tona. Tani në Senat,” tha zëvendëskryetari i sindikatës së fermerëve FNSEA, Luc Smessaert në X.
