Udhëheqësi i Koresë së Veriut Kim Jong Un u pa i përlotur ndërsa u bëri një lutje emocionale grave të vendit për të adresuar shkallën në rënie të lindjeve në vend gjatë Takimit të Parë Kombëtar të Nënave në 11 vjet.
Kim u bëri thirrje grave që të përmbushin ‘detyrat e tyre të shtëpisë’ duke parandaluar një rënie të numrit të lindjeve dhe duke futur vlerat tradicionale familjare te fëmijët e tyre.
Ai tha gjithashtu se takimi i nënave ishte ‘jo më pak i rëndësishëm se një kongres partie’, duke nënvizuar se sa serioze është bërë gjendja.
Pavarësisht atmosferës së zymtë, pamjet e medias shtetërore treguan se fjalimi i tij u prit nga një turmë brohoritëse.
Ndërsa është e vështirë të merren shifra zyrtare të popullsisë nga Koreja e Veriut, fqinjët e Koresë së Jugut kanë vlerësuar se shkalla e lindshmërisë në veri ka rënë nga 1,88 në 2014, në 1,79 në 2022.
Megjithatë, kjo rënie është më tronditëse kur merret parasysh se në vitin 1966, kjo shifër ishte 6.5.
Rënia e nivelit të lindjeve të Koresë së Veriut ngre shqetësime në lidhje me aftësinë e saj për të mbajtur forcën e madhe të punës që është thelbësore për të ruajtur ekonominë e saj të sanksionuar rëndë dhe ushtrinë e madhe.
