Miliarderi i Facebook, Mark Zuckerberg thuhet se ka nisur punën në një kompleks familjar prej 100 milionë dollarësh në Haëaii, i cili do përfshijë një bunker nëntokësor prej 5000 metrash katrorë me një kapanxhë shpëtimi dhe një tunel që të çon në dy pallate që e lidhin.
Projekti ndodhet në ishullin Hauai të Kauai dhe është aq i fshehtë sa marangozët, elektricistët dhe kontraktorët e tjerë pengohen nga marrëveshjet e moszbulimit të fshehtësisë, sipas një raporti të kësaj jave nga media amerikane Wired.
Kompleksi shtrihet në rreth 1,400 hektarë, në tokën që Zuckerberg filloi ta blinte në gusht 2014. Një zëdhënëse e miliarderit i tha Wired se ai dhe gruaja e tij, Priscilla Chan, shpenzuan 170 milionë dollarë për të blerë pronën, të cilën ata e shohin si shtëpinë e tyre familjare.
I njohur si Koolau Ranch, kompleksi thuhet se prodhon energjinë e tij dhe furnizimin me ujë, dhe fermat dhe bujqësia në vend mund të ofrojnë ushqimin. Prona do përfshijë më shumë se një duzinë ndërtesash me të paktën 30 dhoma gjumi dhe 30 banja të kombinuara, tha Ëired, duke cituar të dhënat e pronës dhe intervistat me kontraktorë të paidentifikuar.
Dy pallate në qendër të kompleksit do kenë gjithsej rreth 57,000 metra katrorë hapësirë banimi dhe 11 shtëpi pemësh në formë disku do lidhen me ura me litar. Prona do jetë e mbushur me shtëpi pritëse dhe do përfshijë një ndërtesë të madhe me palestër, pishina, sauna, vaskë të nxehtë dhe fushë tenisi.
Bunkeri do ketë hapësirë banimi, një dhomë mekanike dhe një derë metalike të mbushur me beton. Shumë nga dyert e kompleksit do jenë të izoluara nga zëri dhe do funksionojnë me tastiera. Disa nga pasazhet, si një derë “e verbër” në bibliotekë, do projektohen që t’i ngjajnë mureve. Dhjetëra kamera do vendosen përreth pronës. Vetëm një ndërtesë e vogël operacionale do ketë më shumë se 20 kamera.
Wired bazoi vlerësimin e kostos prej 100 milionë dollarësh në lejet e ndërtimit, duke thënë se shifra ka të ngjarë të jetë më e lartë.
“Kostoja rivalizon atë të projekteve më të mëdha private, personale të ndërtimit në historinë njerëzore,” tha gazeta.
Një mur rreth 1.8 metra i lartë thuhet se bllokon pamjet e pronës, si dhe oqeanit, nga një rrugë përpara kompleksit. Rojet e sigurisë janë vendosur në portën e hyrjes dhe patrullojnë plazhet e afërta me automjete.
