Presidenti i Turqisë, Recep Tayyip Erdogan, vizitoi Hungarinë të hënën, duke takuar kryeministrin e vendit, Viktor Orban.
Të dy shkëmbyen dhurata pas ceremonisë së takimit dhe përshëndetjes me nderime ushtarake për Erdoganin në Sheshin historik të Heronjve të Budapestit.
Orban i dhuroi Erdoganit një kale hamshor, të quajtur ‘Aristokrat’. Kali është një Nonius, racë lokale hungareze me kocka të rënda me lëkurë të errët, i përdorur gjerësisht nga ushtria hungareze në të kaluarën. “Dhurata nga një komb kalorës te tjetri”, shkroi Orban në Facebook.
Nga ana tjetër, udhëheqësi hungarez mori një SUV elektrike ‘Togg’ nga Erdogan. ‘Togg’ është prodhuesi i parë që prodhon makina elektrike në vend në Turqi, aktiv që nga viti 2018. Prodhuesi lëshoi modelin e tij të parë ‘Togg T10X’, vjeshtën e kaluar.
“Marrëveshja më e mirë që kam bërë ndonjëherë! Për një kuaj fuqi mora 435. Mirë se vini në Hungari President Erdogan!” – tha Orban në një postim në X, duke ndarë fotot e dhuratave.
