Sekretari i Përgjithshëm i NATO-s Jens Stoltenberg në fjalimin e tij të zhvilluar për mediat u ndal tek zhvillimet aktuale në botë, lufta, sulmet, si edhe tensionet në Ballkanin Perëndimor.
Ai u shpreh qartë se NATO nuk provokon luftë, por ka për qëllim parandalimin e konflikteve dhe ruajtjen e paqes, duke theksuar se së fundmi tensionet në Ballkanin Perëndimor kanë qenë në rritje.
“Ne jetojmë në një botë më të rrezikshme. Një luftë po zhvillohet në Europë. Një luftë e re në Lindje të Mesme. Tensionet në Ballkanin Perëndimor janë duke u rritur”, tha ai.
Gjithashtu shtoi se KFOR në Kosovë ka rol kyç jo vetëm për ruajtjen e paqes në Kosovës, por edhe më gjerë në Ballkan.
“Ndihma e tyre që të mbajnë një mjedis të qetë dhe të sigurt për të gjithë në Kosovë është çelësi për stabilitetin e rajonit më gjerë të Ballkanit Perëndimor”, ka thënë ndër të tjera Stoltenberg.
At this time of year, my deepest thanks and respect go to our #NATO forces. Their service keeps us safe, secure and free. Happy holidays and best wishes for the New Year. pic.twitter.com/6AE8vOzQ1Y
— Jens Stoltenberg (@jensstoltenberg) December 20, 2023
