Hakeri Arion Kurtaj, i cili shpërndau në mënyrë të paligjshme në internet imazhet e videolojës GTA VI, e cila pritet të publikohet në Britani të Madhe në vitet e ardhshme, është dënuar me një dënim spitalor pa afat, transmeton Anadolu.
Sipas lajmit të BBC, gjyqtari deklaroi se dëshira dhe aftësia e Kurtajt për të kryer krime kibernetike është rrezik për publikun dhe e dënoi Kurtajn me dënim spitalor pa afat.
Mësohet se Kurtaj do të qëndrojë në spital derisa të konstatohet se është një individ i shëndoshë që nuk përbën rrezik për shoqërinë.
Kurtaj, anëtar i grupit të hakerëve “Lapsus$” gjatë kontrolleve të tij shëndetësore deklaroi se “dëshiron t’i kthehet kryerjes së krimit kibernetik sa më shpejt të jetë e mundur”.
Rockstar, kompania që posedon videolojën GTA VI, tha në gjykatë se aktivitetet e Kurtajt u shkaktuan atyre humbje prej 5 milionë dollarësh.
Edhe pse i është konfiskuar laptopi, Kurtaj vodhi 90 imazhe GTA VI nga Rockstar me pajisjen e tij Amazon Firestick dhe celularin dhe i publikoi në rrjetet sociale.
Kurtaj, i cili depërtoi në sistemin e mesazheve Slack të përdorur nga kompania tha se: “Nëse Rockstar nuk më kontakton përmes Telegramit brenda 24 orëve, unë do të publikoj kodet e lojës”.
Ai i shpërndau kodet në një forum pas skadimit të kohës.
Pamjet e publikuara nga Kurtaj janë ndjekur nga 128 milionë njerëz në 4 ditë.
VINI RE: Ky material është pronësi intelektuale e AA.
