Për herë të parë, Rusia dhe Ukraina shkëmbyen pako dhe letra për robërit e luftës, të dërguara nga familjet e tyre, njoftoi sot komisionerja ruse për të drejtat e njeriut, Tatiana Moskalkova.
Sipas Moskalkova, komisioneri ukrainas për të drejtat e njeriut, Dmitry Lubinets, ra dakord për shkëmbimin, i cili u zhvillua në “kufirin ruso-ukrainas, me mbështetjen dhe pjesëmarrjen e agjencive kompetente”.
Të burgosurit u pajisën me veshje të ngrohta, këpucë dhe pajisje për higjienën personale. Në shkëmbim ishin të pranishëm Komiteti Ndërkombëtar i Kryqit të Kuq dhe Shtabi Koordinues për Trajtimin e të Burgosurve të Luftës.
