200 kamionë që transportonin ndihma humanitare hynë në Rripin e Gazës, me disa prej furnizimeve të vendosura për të mbërritur në pjesën veriore të enklavës për herë të parë që nga fillimi i luftës.
50 nga kamionët janë caktuar për në Rripin verior të Gazës, duke përfshirë zonat që nuk janë evakuuar, me miratimin e Izraelit, thotë Koordinatori për Aktivitetet Qeveritare në Territore (COGAT).
Përpara nisjes së operacionit tokësor, Forcat e Mbrojtjes së Izraelit u thanë civilëve palestinezë që të përdorin korridoret humanitare për të evakuuar drejt jugut në zonat e caktuara të sigurta në enklavë.
Ndihma po hyn në Rrip si pjesë e armëpushimit të përkohshëm midis Izraelit dhe grupit terrorist Hamas, të ndërmjetësuar nga Egjipti dhe Katari.
Si pjesë e marrëveshjes, rreth 50 fëmijë dhe gra të mbajtura peng në Gaza po lirohen, së bashku me tre të burgosur palestinezë për çdo izraelit të liruar.
