Nëntë persona u vranë në Australi pasi stuhitë e forta goditën lindjen e vendit gjatë festave të Krishtlindjeve, thanë autoritetet të mërkurën, me dhjetëra mijëra prona ende pa energji.
Moti i egër goditi shtetet Victoria, New South Wales dhe Queensland më 25 dhe 26 dhjetor duke sjellë breshër dhe shira të rrëmbyeshëm. Erërat e forta shpërthyen çatitë dhe rrëzuan pemë në disa nga zonat më të prekura. Më shumë se 90,000 familje janë ende pa energji elektrike.
Tre burra u vranë pasi një jaht me 11 njerëz në bord u përmbys pranë Green Island në gjirin Moreton gjatë stuhisë, u tha gazetarëve shefja e policisë së Queensland, Katarina Carrol.
Dy gra u gjetën të vdekura pranë qytetit Gympie, rreth 180 km në veri të kryeqytetit të shtetit të Brisbane, tha policia. Një vajzë nëntë vjeçare u gjet e vdekur pasi u zhduk në një kanal në jug të Brisbane.
Autoritetet paralajmëruan se lumenjtë dhe përrenjtë mund të shpërthejnë bdigat duke përmbytur kampet, të cilat zakonisht mbushen me njerëz gjatë javëve të Krishtlindjeve dhe Vitit të Ri.
Një grua u gjet e vdekur në një kamp në Victoria pasi ujërat u tërhoqën, tha policia. Dy u vranë nga rënia e pemëve.
Stuhitë pasojnë valë të forta të të nxehtit në pranverë që çuan në zjarre pasi cikloni Jasper shkaktoi dëme të mëdha.
