Bashkimi Evropian po përgatit një plan alternativ për t’i dhënë Ukrainës 20 miliardë euro mbështetje financiare për të anashkaluar veton e kryeministrit hungarez Viktor Orban, raportoi Financial Times.
Mekanizmi i propozuar mund të përdoret nëse vetoja e Orbanit nuk mund të tejkalohet në samitin e planifikuar më 1 shkurt, thuhet në raport.
Ky plan përfshin garanci nga shtetet anëtare të BE-së për buxhetin evropian, duke i mundësuar Komisionit Evropian (KE) të mbledhë deri në 20 miliardë euro në tregjet e kapitalit për të mbështetur Ukrainën.
Afati specifik kohor dhe shuma përfundimtare do përcaktohen bazuar në nevojat e Ukrainës.
Qasja është e ngjashme me përgjigjen e KE-së për COVID-19, kur 100 miliardë euro iu dhanë vendeve të BE-së në vitin 2020.
Kjo mundësi nuk kërkon garanci nga të 27 vendet anëtare të BE-së, duke lejuar përfshirjen e vendeve me vlerësimet më të larta të kreditit si pjesëmarrës kryesorë.
Meqenëse nuk kërkohet mbështetje e njëzëshme, qasja do t’i lejonte BE-së të anashkalojë veton e Hungarisë.
Disa vende, duke përfshirë Gjermaninë dhe Holandën, mund të kërkojnë miratim parlamentar për të ofruar garanci kombëtare.
Procesi pritet të jetë gati për të ofruar ndihmë për Ukrainën deri në mars.
