“Nëse doni të tërhiqni mallkimin në vend, pranoni homoseksualitetin,” tha Ndayishimiye në një seancë pyetje dhe përgjigje me gazetarët dhe publikun e mbajtur në lindje të Burundit të premten.
“Madje mendoj se këta njerëz, nëse i gjejmë në Burundi, është më mirë t’i çojmë në një stadium dhe t’i vrasim me gurë. Dhe ky nuk mund të jetë mëkat,” tha ai, duke e përshkruar homoseksualitetin si të importuar nga Perëndimi.
Komentet e tij ishin shfaqja e fundit e intolerancës në rritje ndaj personave LGBT në rajon, France24.
“Personalisht, mendoj se nëse shohim këta lloj individësh në Burundi, duhet t’i çojmë në një stadium dhe t’i vrasim me gurë. Dhe nuk do të ishte mëkat për ata që e bëjnë këtë,” u tha Ndayishimiye gazetarëve, duke dënuar martesën mes individëve të të njëjtit seks si një “praktikë të neveritshme”.
Udhëheqësi afrikan kritikoi gjithashtu kombet e fuqishme perëndimore për kërcënimin e vendeve më të vogla me ndëshkime financiare nëse kundërshtojnë të miratojnë grupet pro-LGBTQ.
“Le ta ruajnë ndihmën e tyre, le ta mbajnë atë,” tha ai.
“Ndërkohë, burundianët që jetojnë jashtë vendit që kanë zgjedhur djallin, pra janë bërë homoseksualë praktikues, nuk duhet të kthehen”, shtoi ai.
Homoseksualiteti ka qenë i paligjshëm në Burundi që nga viti 2009 dhe dënohet me një burg deri në dy vjet për aktivitete konsensuale të të njëjtit seks, megjithëse nuk ka ligj të shkruar që vendosin dënimin me vdekje për të. Burundi akuzoi 24 persona për “praktika homoseksuale” në mars pas një goditjeje të shpallur ndaj marrëdhënieve të të njëjtit seks, me Ndayishimiye që i bëri thirrje popullatës që t’i trajtojë homoseksualët në mesin e tyre si “të përjashtuar”.
Mbi 30 shtete afrikane kanë ligje anti-LGBTQ.
Kur Papa Françesku deklaroi se Kisha Katolike Romake mund të bekonte çiftet e të njëjtit seks në fillim të këtij muaji, udhëheqësit katolikë në Kenia, Nigeri dhe Ganë lëshuan publikisht deklarata që kundërshtonin direktivën e tij, duke argumentuar se martesat e homoseksualëve shkelin ligjin e kishës dhe traditën afrikane.
Pasi Uganda miratoi legjislacionin kundër homoseksualëve që vendosi dënimin me vdekje për “homoseksualitetin e rënduar” – akte duke përfshirë marrëdhëniet seksuale me një të mitur ose me HIV pozitiv, në maj, Banka Botërore e ndërpreu fondet, një veprim që mund të çoj në humbjen e miliarda dollarëve ndihmë. SHBA vendosi një ndalim udhëtimi për zyrtarët e Ugandës dhe e hoqi vendin nga një marrëveshje tregtare.
