Një avion udhëtarësh ka marrë flakë në pistën e aeroportit “Haneda” të Tokios. Roja Bregdetare e Japonisë ka konfirmuar se një prej avionëve të saj u përplas me një “Airbus A350” që i përkiste “Japan Airlines” pak para se të shpërthente në flakë.
Linja ajrore zbuloi se në bordin e fluturimit 516 kishte 367 udhëtarë dhe 12 anëtarë të ekuipazhit kur shpërtheu zjarri. Të gjithë udhëtarët e anëtarët e ekuipazhit janë evakuuar, pa raportime për të lënduar deri më tani.
Roja Bregdetare e Japonisë tha se kishte gjashtë anëtarë të ekuipazhit në bordin e një avioni që u përplas me avionin e pasagjerëve. Departamenti i Policisë Metropolitane të Tokios më vonë konfirmoi se pesë prej tyre kishin vdekur, me një tjetër të plagosur rëndë.
“Airbus A350” ishte duke kryer një fluturim të brendshëm kur zjarri shpërtheu rreth orës 18:00 me orën lokale të së martës.
