Momente paniku dhe frike kanë përjetuar 367 pasagjerët dhe 12 anëtarët e ekuipazhit të avionit të kompanisë ‘Japan Airlines’, që u përplas me një avion të rojës bregdetare dhe shpërtheu në flakë pak pas uljes në aeroportin Haneda të Tokios. Por si arritën të shpëtonin të gjithë personat që ishin në bordin e ‘Japan Airlines’.
Pasagjerët shkuan drejt daljeve emergjente pa bagazhet e tyre, në përputhje me udhëzimet e ekuipazhit të fluturimit.
Lënia e sendeve të tyre me vlerë ishte një ‘faktor kryesor’ pas evakuimit të shpejtë të 379 personave në bord, pikërisht përpara se avioni të përfshihej nga flakët në pistën e aeroportit Haneda në Tokio një ditë më parë, thonë ekspertët e aviacionit.
‘Japan Airlines’ u përfshi nga flakët pasi u përplas me një avion të rojës bregdetare teksa po ulej në pistë. Pesë nga gjashtë personat në bordin e avionit të rojës bregdetare ndërruan jetë.
Evakuimi i përsosur në avionin e ‘Japan Airlines’ ka mahnitur botën dhe ka fituar lëvdata nga shumë njerëz. Ekspertët e aviacionit dhe ekuipazhi i fluturimit i thonë BBC-së se ekuipazhi i fluturimit vendosi trajnimin rigoroz dhe pasagjerët “të sjellshëm” iu bindën protokolleve të sigurisë.
“Unë nuk shoh asnjë pasagjer të vetëm në tokë, në asnjë nga videot që kam parë, që të ketë bagazhet e tyre me vete… Nëse njerëzit do të përpiqeshin të merrnin bagazhet e tyre të kabinës, kjo është vërtet e rrezikshme sepse ata do të ngadalësonin evakuimin. ”, tha Prof Ed Galea, drejtor i Grupit Inxhinierik të Sigurisë nga Zjarri në Universitetin e Greenëich.
Gjendja e avionit, një Airbus A350, e bëri evakuimin të vështirë, tha Prof Galea.
“Ky aksident ishte i frikshëm. Avioni ishte me kokë poshtë, që do të thoshte se ishte e vështirë për pasagjerët të lëviznin,” tha ai.
Vetëm tre rrëshqitës të fryrë mund të përdoren për të evakuuar pasagjerët, por ato nuk u vendosën në punë siç duhet për shkak të mënyrës se si avioni u ul. Rrëshqitja ishte shumë e pjerrët, gjë që mund të ishte e rrezikshme.
Sistemi i njoftimit të avionit gjithashtu nuk funksionoi gjatë evakuimit, kështu që ekuipazhi i fluturimit duhej të transmetonte udhëzime duke përdorur një megafon dhe duke bërtitur, tha Japan Airlines.
Një pasagjer pësoi mavijosje dhe 13 të tjerë kërkuan konsulta mjekësore për shkak të shqetësimit fizik, tha linja ajrore.
VINI RE: Ky material është pronësi intelektuale e BBC.
