Zyrtari më i lartë shëndetësor i Floridës kërkon ndalimin e përdorimit të vaksinave të koronavirusit të llojit mRNA, duke pretenduar se ato mund të ndikojnë në ADN-në e pacientëve, një pretendim që është hedhur poshtë nga ekspertët e shëndetit publik, zyrtarët federalë dhe kompanitë e vaksinave, shkruan WP.
Njoftimi i kreut të shëndetit publik të Floridës, Joseph A. Ladapo, i publikuar si një buletin shtetëror, vjen pas muajsh ballafaqimi me rregullatorët federalë, të cilët e kanë qortuar vazhdimisht retorikën e tij rreth vaksinave. Ekspertët e shëndetit publik paralajmërojnë për rreziqet e hedhjes së dyshimit mbi vaksinat teksa viruset e frymëmarrjes rriten këtë dimër.
“Ne e kemi parë këtë model nga Dr. Ladapo që çdo disa muaj ai ngre disa shqetësime të reja dhe ai zhgënjehet shpejt,” tha Ashish Jha, dekan i shkollës së shëndetit publik të Universitetit Broën, i cili drejtoi reagimin kombëtar të Shtëpisë së Bardhë për koronavirusin përpara se të jepte dorëheqjen.
“Kjo ide e fragmenteve të ADN-së është një marrëzi shkencore. Njerëzit që e kuptojnë se si bëhen dhe administrohen këto vaksina e kuptojnë se këtu nuk ka asnjë rrezik.”
Ladapo lëshoi buletinin ndërsa guvernatori i Floridës, Ron DeSantis, mbrojtësi i tij politik, lufton për të mbijetuar në primaret republikane, ku pason ish-presidentin Donald Trump me më shumë se 40 pikë përqindje në sondazhet kokë më kokë. Zgjedhjet e Ioëa-s, gara e parë e nominimeve, janë planifikuar të mbahen më 15 janar.
“Furnizuesit e shqetësuar për rreziqet shëndetësore të pacientëve që lidhen me COVID-19 duhet t’i japin përparësi qasjes së pacientëve në vaksinat dhe trajtimin jo-mRNA për COVID-19,” shkroi Ladapo.
Departamenti i shëndetësisë i Floridës nuk iu përgjigj menjëherë pyetjeve nëse qëndrimi i ri i Ladapo-s do ndikonte në qasjen e vaksinave për pacientët dhe ofruesit e shëndetit të shtetit, ose nëse vendimi i tij për të përsëritur pretendimet mund të krijonte dyshime për vaksinime të tjera rutinë.
Të dhënat e Qendrave për Kontrollin dhe Parandalimin e Sëmundjeve tregojnë se Florida mbetet shumë prapa shumicës së shteteve kur bëhet fjalë për përqindjen e popullsisë së saj që ka marrë një dozë të përditësuar përforcuese kundër Covid. Ndërkohë, shtrimet në spital për Covid kanë qenë në rritje në shkallë kombëtare, me pothuajse 30,000 amerikanë të shtruar në spital së fundmi.
Scott Rivkees, një i emëruar nga DeSantis i cili i parapriu Ladapos si kreu i shëndetit publik në Florida përpara se të largohej nga detyra në shtator 2021, e quajti njoftimin e së mërkurës “befasues dhe zhgënjyes” dhe në kundërshtim me shkencën për sigurinë e vaksinave të koronavirusit. Por zyrtarët aktualë të DeSantis e vlerësuan njoftimin.
“Mirënjohëse që jetoj në një shtet ku Big Pharma nuk dikton rekomandimet e politikave shëndetësore,” postoi Christina Pushaë, një zyrtare e fushatës DeSantis, në X, ku ajo falënderoi Ladapo “për mbrojtjen e integritetit shkencor”.
Fushata DeSantis nuk iu përgjigj pyetjeve nëse guvernatori u bashkërendua me Ladapo për njoftimin ose nëse ai do të miratonte një pozicion të ngjashëm nëse zgjidhej president.
Lëvizja e Ladapo-s u lavdërua nga një rrjet aleatësh kundër vaksinave, të cilët kanë pohuar në mënyrë të përsëritur se injeksionet janë joefektive pasi ato i shtyjnë trajtimet e tyre me pak ose aspak prova shkencore.
Sondazhi ka treguar se republikanët mbeten në mënyrë disproporcionale skeptike ndaj vaksinave të koronavirusit, një pozicion që ndonjëherë përforcohet nga politikanët republikanë: 55 përqind e të anketuarve republikanë u zotuan se ata “përfundimisht nuk do e bënin” vaksinën krahasuar me 12 përqind të demokratëve, sipas sondazhit të nëntorit të publikuar nga studiues të politikave shëndetësore në FSK.
