Rusët nuk duhet të heqin dorë nga gjuha angleze vetëm për t’iu kundërpërgjigjur Perëndimit për mënyrën se si Kievi hoqi rusishten, tha të enjten ministri i Jashtëm Sergej Lavrov.
Lavrov po priste një vajzë 11-vjeçare nga rajoni Lugansk si pjesë e fushatës bamirëse “Pema e dëshirave”. Kur ajo i tha ministrit të Jashtëm se po studionte anglisht, ai e lavdëroi dhe tha se ishte një gjuhë e mirë për t’u mësuar.
“Unë nuk mendoj se kanë të drejtë, ata që thonë “Epo ata po e ndërsejnë gjithë botën kundër nesh, kështu që le të largohemi nga gjuha angleze.” Kjo është marrëzi, sepse gjuha nuk ka lidhje me të,” tha ministri.
“Kjo është njësoj si elensky ndaloi gjuhën ruse, arsimin rus dhe mediat ruse në Ukrainë,” shtoi ai.
Disa ligjvënës rusë kanë diskutuar uljen e statusit të gjuhës angleze në të gjitha nivelet e arsimit, nga e detyrueshme në fakultative. Një anëtar i Dumës Shtetërore nga partia në pushtet “Rusia e Bashkuar”, argumentoi në prill se anglishtja ishte bërë gjuha kryesore ndërkombëtare vetëm sepse shkollat e urdhërojnë atë.
“Ne duhet të largohemi nga vektori properëndimor në sistemin arsimor rus”, tha Sulltan Khamzaev për mediat në atë kohë, duke këmbëngulur se nuk kishte asnjë kuptim të detyrohen fëmijët rusë të mësojnë anglisht kur bota përbëhet gjithashtu nga Kina, India, Afrika, shtetet arabe dhe Amerika Latine.
