Pas vrasjes së 22-vjeçarit, Gëzim Sinomati, pak ditë më parë në Vlorë, policia ka ngritur një grup të posaçëm hetimor për zbardhjen e atentatit.
Burime nga policia bëjnë me dije se drejtori i Përgjithshëm i Policisë, Muhamet Rrumbullaku, që prej të hënës në mëngjes ndodhet në Vlorë.
Ekspertet më të mirë janë angazhuar për zbardhjen e ngjarjes, ndërsa një sërë analizash të gjata janë zhvilluar për analizimin e provave, fakteve dhe informacioneve të grumbulluara.
Pjesë e analizave dhe dosjet e ngjarjeve të vjetra kriminale, të cilat janë rihapur dhe po analizohen me shumë përgjegjësi.
Ndërkohë që janë marrë në pyetje shumë persona e vijojnë shoqërimet edhe të personave të tjerë.
