Drejtori i Përgjithshëm i Organizatës Botërore të Shëndetësisë (OBSH) Tedros Ghebreyesus u ka bërë thirrje vendeve që të nënshkruajnë traktatin e pandemisë së OBSH-së, në mënyrë që bota të përgatitet për “Sëmundjen X”, shkruan Fox.
Ghebreyesus, duke folur para një auditori në Forumin Ekonomik Botëror në Davos të mërkurën, tha se ai shpresonte se vendet do arrinin një marrëveshje pandemike deri në maj për të adresuar këtë “armik të përbashkët”.
Sëmundja X është një virus hipotetik që ende nuk është formuar, por shkencëtarët thonë se mund të jetë 20 herë më vdekjeprurës se COVID-19.
Ai u shtua në listën e shkurtër të OBSH-së të patogjenëve për kërkime në vitin 2017 që mund të shkaktojë një “epidemi serioze ndërkombëtare”, sipas një njoftimi për shtyp të OBSH-së të vitit 2022.
Ghebreyesus tha se COVID-19 ishte sëmundja e parë X, por është e rëndësishme të përgatitemi për një pandemi tjetër.
“Ka gjëra që janë të panjohura që mund të ndodhin, dhe çdo gjë që ndodh është çështje kohe, jo nëse do ndodhë, kështu që ne duhet të kemi një sigurues për sëmundjet që nuk i dimë,” tha Ghebreyesus.
“Ne humbëm shumë njerëz gjatë COVID sepse nuk mund ta menaxhonim,” tha Ghebreyesus në Davos.
“Ata mund të ishin shpëtuar, por nuk kishte hapësirë. Nuk kishte oksigjen të mjaftueshëm. Pra, si mund të keni një sistem që mund të zgjerohet kur të vijë nevoja?”
Ai tha se një përgjigje e përbashkët përmes traktatit do ndihmonte botën të reagonte më mirë ndaj një shpërthimi tjetër pandemik.
