Protestuesit hodhën supë mbi pikturën e Mona Lizës në Paris të dielën, por ajo u mbrojt nga dëmtimi nga kutia e saj prej xhami.
Grupi mjedisor Riposte Alimentaire – që përafërsisht përkthehet në “Përgjigje ndaj ushqimit” – tha se dy protestues të përfshirë në fushatën e tyre qëndronin pas vandalizmit.
“Dy aktivistë nga lëvizja mjedisore ‘Riposte Alimentaire’ spërkatën supë me kungull mbi xhamin e blinduar që mbron Mona Lizën, këtë të dielë, 28 janar 2024, rreth orës 10 të mëngjesit (4aET),” thuhet në një deklaratë nga muzeu.
“Stafi i sigurisë së Luvrit ndërhyri menjëherë”.
Muzeu tha se po bënte një ankesë.
Kryevepra e Leonardo da Vinçit, Mona Liaa, është varur në muzeun e Luvrit dhe është piktura më e famshme në botë, duke tërhequr miliona vizitorë çdo vit të cilët rreshtohen për të pozuar me veprën e vogël artistike.
Portreti enigmatik nuk është i panjohur si për vandalizmin ashtu edhe për vjedhjen.
Ai u vodh në vitin 1911 nga një punonjës i Luvrit ndërsa pjesa e poshtme e kanavacës pësoi një sulm me acid në vitet 1950, duke e bërë muzeun të përforcojë masat mbrojtëse rreth veprës, duke përfshirë xhamin antiplumb.
Në vitin 2009, një grua e zemëruar hodhi një filxhan qeramike në pikturë, duke thyer filxhanin, por duke e lënë pikturën të padëmtuar.
