Një 18 vjeçar shqiptar ka humbur jetën në Itali pasi ra nga makina teksa po realizonte një video për Tik-Tok. Mbrëmja u kthye në tragjedi për grupin prej katër të rinjve të cilët kishin dalë së bashku, por ndërmorën këtë sfidë të rrezikshme që i mori jetën 18-vjeçarit shqiptar Lorenzo Pjetrushi.
Sipas mediave italiane, për të realizuar sfidën, i riu ka hipur mbi kofanon e makinës së shokut dhe po xhironin videon për ta postuar në Tik-Tok. Më pas ai është rrëzuar nga makina dhe më pas është përplasur nga makina Ford Focus në të cilën udhëtonte grupi i të rinjve, duke humbur jetën tragjikisht.
Ngjarja ka ndodhur më 20 janar në Treviso të Italisë, por ai ka humbur jetën më 29 janar, në spital, pasi nuk u ka mbijetuar dot plagëve të marra.
