27 liderët e BE-së kanë rënë dakord për një paketë ndihme prej 50 miliardë eurosh për Ukrainën pasi Hungaria e cila ishte bllokuar më parë.
Presidenti ukrainas Volodymyr Zelensky përshëndeti financimin e ri, duke thënë se ai do të forconte stabilitetin ekonomik dhe financiar të vendit.
Ministria ekonomike e Ukrainës tha se pret këstin e parë të fondeve në mars. Sipas BBC, ekzistonte një frikë se kryeministri i Hungarisë do ta bllokonte sërish paketën siç bëri në një samit evropian dhjetorin e kaluar.
Viktor Orban, aleati më i ngushtë i presidentit rus Vladimir Putin në BE, ishte shprehur se ai donte të detyronte një rishikim të politikës së bllokut ndaj Ukrainës dhe vuri në dyshim idenë e angazhimit për të financuar Kievin për katër vitet e ardhshme.
Kjo paketë do të ndihmojë për të paguar pensionet dhe pagat dhe shpenzimet e tjera gjatë katër viteve të ardhshme. Ajo vjen ndërsa ndihma ushtarake e SHBA-së për Ukrainën po mbahet nga Kongresi.
Lajmi për marrëveshjen u njoftua më pak se dy orë pas fillimit të samitit, gjë që shkaktoi habi për faktin se pritej që bisedimet të vazhdonin shumë më gjatë për shkak të thellësisë së mosmarrëveshjeve midis zotit Orban dhe liderëve të tjerë të BE-së.
Burime diplomatike i thanë Reuters se marrëveshja e re përfshin një diskutim vjetor të paketës dhe opsionin për ta rishikuar atë në dy vjet, ‘nëse është e nevojshme’.
Orban kishte kërkuar një votimi vjetor për paketën, por kjo do të bënte që marrëveshja të ishte e ekspozuar ndaj një kërcënimi vjetor të vetos nga Hungaria.
“Një ditë e mirë për Evropën”, tha Ursula von der Leyen, presidentja e Komisionit Evropian, në X.
Presidenti ukrainas Volodymyr Zelensky tha se ai ishte ‘mirënjohës’ ndaj liderëve të BE-së, duke theksuar se vendimi u mor nga të 27 krerët. të shtetit. Ai tha gjithashtu se paketa do të ‘forconte stabilitetin afatgjatë ekonomik dhe financiar’ të Ukrainës.
Financimi ishte i rëndësishëm për Ukrainën financiarisht dhe sepse ajo ka nevojë që Evropa të qëndrojë e bashkuar në mbështetjen e saj.
Ministri i Jashtëm i Ukrainës Dmytro Kuleba nënvizoji se bëhej fjalë për investimin e Evropës në sigurinë e saj. Ai theksoi se Ukraina po i rezistonte Rusisë për të gjitha, duke bllokuar përpjekjen e Putin për të sfiduar rendin botëror me forcë.
Kryeministri polak Donald Tusk, i cili ishte shumë kritik ndaj asaj që ai e quajti ‘lojën e çuditshme dhe egoiste’ të zotit Orban, postoi në X: ‘Viktor Orban mund të ‘bindhet’… Le të vazhdojmë përpara.’
VINI RE: Ky material është pronësi intelektuale e BBC
