10 njerëz kanë vdekur nga zjarret në pyje në Kilin qendror dhe jugor, sipas autoriteteve. Zjarre të shumta shpërthyen në qytetet bregdetare të vendit të Amerikës së Jugut, Valparaiso dhe Vina del Mar.
Rreth 10 persona kanë vdekur deri më tani nga flakët që u përhapën në zona të banuara.
Një gjendje e jashtëzakonshme u shpall nga presidenti kilian Gabriel Boriç. Flakët janë përhapur me shpejtësi drejt qyteteve Concon, Quintero dhe Maitencillo. Rreth 13 persona kishin vdekur në zjarret pyjore që shpërthyen në shkurt të vitit 2023 në Kili.
Kryeqyteti Santiago dhe rajone të tjera po përballen me një valë të nxehti, pasi meteorologët paralajmërojnë se moti jashtëzakonisht i nxehtë do bëhet gjithnjë e më i shpeshtë në verën australe të vendit. Mbi gjashtë milionë banorë të kryeqytetit kanë duruar ditët e nxehta dhe të thata të përkeqësuara nga malet përreth që bllokojnë erërat e freskëta.
Agjencia e klimës së Kilit zyrtarisht deklaron një valë të nxehti kur temperaturat qëndrojnë mbi 33 gradë Celsius për tre ditë rresht, tha zyrtari i agjencisë Andres Moncada.
