Duke marrë shkas nga deklaratat e kryeministrit Edi Rama për votën e emigrantëve, bashkëthemeluesi i “Shqipëria Bëhet”, Adriatik Lapaj, thotë se për votën e diasporës nuk duhet asnjë databazë, ndërsa thekson se të gjitha shtetet që mundojnë votën e tyre bazohen tek vetëdeklarimi.
Lapaj i ka quajtur gënjeshtra ndaj emigrantëve fjalët e Ramës, duke i bërë thirrje të ketë guxim e të përballet me votë.
Reagimi i plotë:
Edi Rama, ki burrëri! Edi Rama, mos gënje emigrantët! Sot Kryeministri i vendit i ka thënë shqiptarëve në Luksemburg se votën e diasporës e pengon fakti se shteti nuk ka databazë të emigrantëve.
Gënjen!
Për votën e diasporës nuk duhet asnjë databazë.
Manipulator!
E trishtë se si një njeri që e quan veten gjasme të aftë politikisht të fshihet pas manipulimit.
Ki guxim e përballu me votë!
Zotëri, ta kemi dërguar draftin gati të shkruar. Nuk nevojitet databazë ku jetojnë emigrantët. Të gjitha shtetet që e mundësojnë votën e diasporës e bazojnë votimin te vetdeklarimi. Pra, çdo emigrant që do të votojë para çdo palë zgjedhjeve futet dhe regjistrohet online në një platformë zyrtare që hapet nga Komisioni Qendror i Zgjedhjeve. Pasi qytetari shpreh vullnetin dhe vërteton me dokumenta që i ngarkon online adresën nga ku ai voton, ai listohet si votues jashtë territorit. Komisioni Qëndror i Zgjedhjeve ia dërgon paketën zgjedhore në adresën e deklaruar. Pra, në zgjedhje votojnë ata njerëz që shprehin dëshirën në sistem.
A do jenë ata 5, 5000 apo 500 000 atë s’e di as ti Z. Rama e as unë.
Mos gënje!
Tregoju shqiptarëve se si votojnë shqiptarët e Kosovës. Mos mashtro! Frikacak!
Je trembur, Edi! Të tradhëton fytyra!
Por, do përballemi.
Do përballemi në sheshe. Ju jeni të gjithë bashkë kundër emigrantëve dhe demokratizimit të vendit. Nuk do e mbani dot peng më vendin.
Më beso për sa të them!
Bashkëngjitur drafti për votën e emigrantëve i dorëzuar nga Lëvizja “Shqipëria Bëhet” :
