Presidenti i SHBA-së, Joe Biden, bëri një hap të rëndësishëm në sferën e mediave sociale të dielën, duke u aktivizuar zyrtarisht në aplikacionin e videove të shkurtra TikTok, me qëllim për të arritur tek votuesit e rinj përpara zgjedhjeve presidenciale.
Nisja e fushatës në TikTok është e dukshme duke pasur parasysh se aplikacioni, i cili është në pronësi të gjigantit kinez të teknologjisë ByteDance, është nën shqyrtim nga SHBA-ja për shqetësime të mundshme të sigurisë kombëtare.
Disa ligjvënës amerikanë kanë kërkuar prej kohësh që aplikacioni të ndalohet për shkak të shqetësimeve se qeveria kineze mund të ketë akses në të dhënat e përdoruesve ose të ndikojë në atë që njerëzit shohin në aplikacion.
Vitin e kaluar, administrata Biden urdhëroi agjencitë qeveritare të heqin TikTok nga telefonat dhe pajisjet që në pronësi të qeverisë federale.
TikTok ka pohuar se nuk do të ndajë të dhënat e përdoruesve të SHBA-së me qeverinë kineze dhe ka marrë masa thelbësore për të mbrojtur privatësinë e përdoruesve të saj.
Kompania nuk iu përgjigj menjëherë një kërkese për koment të dielën.
Këshilltarët e fushatës së Biden thanë në një deklaratë se do të ‘vazhdonte të takohej me votuesit aty ku janë’, duke përfshirë aplikacione të tjera të mediave sociale si Instagram i Meta Platform dhe Truth Social, i cili është në pronësi të ish-presidentit amerikan Donald Trump.
“Fushata po është nën masa të avancuara sigurie për pajisjet e saj dhe prania e saj në TikTok ishte e ndarë nga rishikimi i vazhdueshëm i sigurisë së aplikacionit”, shtoi një zyrtar i fushatës.
Deri të dielën mbrëma, llogaria kishte fituar 10,900 ndjekës.
VINI RE: Ky material është pronësi intelektuale e Reuters
