Kryeministri izraelit Benjamin Netanyahu i ka trajtuar komentet e presidentit Joe Biden për reagimin e Izraelit në Gaza si “të ekzagjeruar”.
“Unë e vlerësoj mbështetjen e Biden për Izraelin që nga fillimi i luftës, nuk e di saktësisht se çfarë donte të thoshte me këtë,” tha Netanyahu në një intervistë me ABC Neës të transmetuar të dielën.
Netanyahu vijoi duke thënë se Izraeli “është përgjigjur sipas që i përshtatet terroristëve dhe përpiqet të minimizojë dëmet mbi popullsinë civile”.
Jonathan Karl i ABC-së më pas i kujtoi Netanyahut numrin e të vdekurve të raportuar nga Ministria e Shëndetësisë e kontrolluar nga Hamasi në Gaza që tani arrin në 28,000.
“Unë do të isha i kujdesshëm me statistikat e Hamasit dhe mund t’ju them se sipas ekspertëve të luftës, ne e ulëm raportin e viktimave civile ndaj terroristëve nën 1 me 1, që është dukshëm më pak se në çdo skenë tjetër të ngjashëm të luftës.” – tha Netanyahu.
Të enjten, presidenti Biden ofroi një nga qortimet e tij më të mprehta deri më tani për sjelljen ushtarake të Izraelit në Gaza, duke thënë se operacioni për të goditur Hamasin kishte qenë “i ekzagjeruar” përsa u përket dëmeve ndaj popullatës civile.
Duke i bërë jehonë disa prej komenteve të tij të tjera për ABC, në një intervistë të veçantë me Fox Neës të dielën, Netanyahu tha se ata që thonë se ushtria nuk mund të shkojë në qytetin jugor të Gazës, Rafah, në thelb duan që Izraeli të humbasë. Kryeministri izraelit pretendoi se ka “shumë hapësirë” për civilët e Gazës që të evakuohen përpara një sulmi tokësor në Rafah.
