Sipërmarrësi nga Emiratet e Bashkuara Arabe, Mohamed Alabbar ka postuar foto me Kryeministrin Edi Rama një ditë pasi opozita shqiptare bëri kallëzim penal ndaj tij për projektin Durrës Marina.
Në foton e postuar nga Alabbar shkruan se takimi i Ramës mes tij dhe Nabil Murad bëhet për të ndjekur ecurinë e projektit të Durrës Yacht&Marina që ka nisur ndërtimin në portin e Durrësit.
“Kryeministri i Shqipërisë Edi Rama dhe vëllai Nabil Murad pas një takimi për të ndjekur ecurinë e punës të projektit të Durrës Marina, pasuria e patundshme dhe zhvillimi i marinës më i madh në Mesdhe me kosto prej 2.5 miliardë dollarë”-shkruan Alabbar.
