Është arrestuar disa orë pas krimit, autori i vrasjes së Arben Kocilja në Durrës, i cili ishte fshehur te Rotonda Bizantine, ose Gropa Arkeologjike.
Ngjarja ndodhi paraditen e sotme ku autori plagosi viktimën me mjet prerës, i cili ndërroi jetë gjatë transportimit në spital.
Njoftimi i policisë për ngjarjen:
Plagosi me mjet prerës (thikë) një shtetas i cili humbi jetën gjatë transportimit për në spital, Policia identifikon autorin dhe vijon kontrollin dhe ndjekjen për kapjen e tij.
Rreth orës 12:30, në lagjen nr. 4, dyshohet se gjatë një konflikti të çastit, shtetasi I. K. ka goditur me mjet prerës (thikë), shtetasin H. K., i cili si pasojë, ka humbur jetën gjatë transportimit në spital.
Shërbimet e Policisë kanë shkuar menjëherë në vendngjarje, kanë rrethuar zonën dhe po bëjnë krehjen e saj, me qëllim kapjen e shtetasit I. K.
Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.
