Shkencëtarët rusë të mjekësisë po punojnë për vaksinat kundër kancerit dhe një brezi të re mjekimi, tha të mërkurën presidenti Putin.
Duke folur për gjendjen e shkencës mjekësore ruse në Forumin e Teknologjive të Ardhshme në Moskë, Putin vuri në dukje se janë bërë hapa të mëdhenj në zbulimin dhe trajtimin e hershëm të kancerit, duke çuar në norma më të larta të mbijetesës.
“Do të shtoj gjithashtu se ne i jemi afruar krijimit të të ashtuquajturave onko-vaksina, vaksina kundër kancerit dhe barnave imunomoduluese të një brezi të ri. Dhe shpresoj se së shpejti ato do përdoren efektivisht si metoda të terapisë individuale”, tha ai.
Sipas presidentit, më shumë se gjysma e të gjitha rasteve të kancerit në Rusi zbulohen në fazat e hershme, ku prognoza është më e favorshme. Ai gjithashtu u zotua të vijojë financimin e kërkimit dhe zhvillimit mjekësor në nivelet e nevojshme.
Putin i përshkroi përparimet mjekësore që iu shfaqën në forum si “një lloj fantashkence”.
“Edhe pak më parë, ne mund të lexonim për gjëra të tilla vetëm në veprat e trillimeve fantazi, por sot e gjithë kjo po bëhet e prekshme. Të gjitha këto fusha tani po fitojnë vrull dhe pritet të prodhojnë një revolucion të vërtetë në mjekësi në të ardhmen e afërt,” tha ai.
Një nga shpikjet është një çip i veçantë që mund të rivendosë shikimin e një personi nëse implantohet në tru. Teknologjia tashmë po kalon prova klinike.
Përparimet në fushën e mjekësisë, parandalimit dhe trajtimit janë të vlefshme në vetvete, por ato kërkojnë pjesëmarrjen e fushave të tjera të industrisë për t’u përdorur plotësisht nga shoqëria ruse, tha Putin.
Prandaj, Moska i sheh këto fusha kyçe të industrisë si projekte me rëndësi kombëtare dhe po kërkon të ndërtojë të gjithë procesin industrial, nga themelet dhe aplikimet deri te prodhimi dhe trajnimi i punëtorëve me kualifikim të lartë, si një zinxhir i integruar.
