Gjykata ka vendosur të burgosë pa afat Natasha Rombulën dhe Armando Kumaraku, gjyshja dhe babai i një të mituri 10-vjeç me për akuzën e keqtrajtimit të tij.
Vendimi vjen pasi ata janë denoncuar nga nëna e të miturit, pasi e ekspozonin atë në rrjetin social “TikTok”, duke përdorur një fjalor të papërshtatshëm dhe me qëllim për të përfituar financiarisht.
Nëna e djalit ka bërë denoncimin pasi ka vërejtur që i mituri është shfaqur në video në rrjetet sociale duke folur me një fjalor banal, i shtyrë nga babai dhe gjyshja e tij.
Këto veprime janë vlerësuar si forma e keqtrajtimit të fëmijëve dhe shkelje e të drejtave të tyre.
Në rrjetet sociale kanë qarkulluar një sërë video ku dëgjohet i mituri me një fjalor të papërshtatshëm dhe i ndikuar nga babai dhe gjyshja e tij.
Ky rast ka nxitur një reagim të ashpër nga opinioni publik dhe ka sjellë në vëmendje nevojën për të mbrojtur integritetin dhe mirëqenien e fëmijëve në mjediset sociale të internetit.
