Joe Biden është më pak se katër vjet më i vjetër se Donald Trump. Kur Biden u bë presidenti më i vjetër në historin e SHBA-së në vitin 2021, ishte rekordi i Trump-it që ai po thyente.
Tani, të dy burrat edhe një herë duket se janë çifti më i vjetër në historinë e zgjedhjeve presidenciale amerikane i kandidatëve të partive kryesore.
E megjithatë, sondazhet tregojnë se votuesit janë shumë më të shqetësuar nëse presidenti 81-vjeçar mund të përballojë edhe katër vite të tjera në Shtëpinë e Bardhë sesa paraardhësi i tij 77-vjeçar, një shqetësim që doli në plan të parë këtë javë pas një raporti që pretendonte se Biden shfaqi gabime të shumta të kujtesës.
Bisedat me votuesit, strategët politikë dhe të tjerë sugjerojnë se këto ndjenja kanë të bëjnë më shumë me faktin se Biden do jetë më i vjetër se Trump. Është se si sjellja dhe pamja e dy burrave, por në veçanti ajo e Biden, ka ndryshuar vitet e fundit.
“Shikoni gjithçka që ka ndodhur në tre vitet e fundit me atë tip,” thotë Travis Aslin, një votues nga Iowa, i cili thotë se dikur mbështeste demokratët, por nuk mund ta detyrojë veten të votojë për Biden-in.
“Sallata e fjalëve, pengesat nëpër shkallë e rrugë, qëndrimi në një skenë dhe dukej sikur po fliste me Zotin, ai duket si gjyshi im. Gjyshi im kishte Alzheimer.”
Me ndeshjen më të vjetër presidenciale në historinë amerikane, çështjet e shëndetit dhe kompetencës ka të ngjarë të shfaqen përsëri dhe përsëri gjatë nëntë muajve të ardhshëm. Dhe të dyja fushatat do punojnë për ta bërë kundërshtarin e tyre të duket i çuditshëm, plak dhe i pafuqishëm, dhe kandidatin e tyre me pamje të vrullshme dhe energji.
Ndoshta municioni më i dëmshëm në këtë ‘luftë’ erdhi të enjten e shkuar në një raport mbi një hetim mbi trajtimin e dokumenteve të klasifikuara nga Biden.
Këshilltari i posaçëm Robert Hur, një republikan dhe ish-i emëruar i Trump, tha se ai nuk po ngrinte akuza kundër Biden-it, por pretendoi se Presidenti nuk mund të mbante mend faktet themelore dhe e përshkroi atë si “një burrë dashamirës, me qëllime të mira, të moshuar e me kujtesë të dobët. Fushata e Trump-it nxori shpejt një deklaratë duke iu referuar Bidenit si “plak”.
Presidenti mbajti një konferencë shtypi të minutës së fundit ku këmbënguli se “kujtesa ime është mirë” dhe u zemërua me akuzat e Hur.
Sulmi i fundit ndaj mprehtësisë mendore të Biden-it pason përpjekjet e fundit të ekipit të tij për të përmbysur Trump-in, i cili ka pasur pjesën e tij të turbullirave. Një reklamë e re nga kampi i Biden thekson se si Trump ngatërroi së fundmi Nikki Haleyn, kundërshtaren e tij të fundit të mbetur për nominimin republikan, me ish-kryetaren e Kongresit, Nancy Pelosi.
Si Haley ashtu edhe Biden kanë përdorur ngatërresat e fundit të Trump-it për të goditur ish-iresidentin në kompetencën e tij; reklama e Biden madje përmban një klip të Haley duke thënë: “Ai nuk është ai që ishte në 2016. Ai ka rënë shumë.”
Më pas, video u drejtohet ngatërresave të tjera të Trump-it, duke përfshirë pretendimet e tij se ai fitoi të gjitha 50 shtetet dhe se ju duhet karta e identitetit e votuesit për të blerë një copë bukë.
“Presidenti Trump vijon të dominojë në sondazh pas sondazhi, si në zgjedhjet paraprake ashtu edhe në zgjedhjet e përgjithshme”, shkroi zëdhënësi i Trump-it, Steven Cheung në një deklaratë për TIME.
“Nuk ka asnjë kandidat tjetër në histori që ka energjinë dhe qëndrueshmërinë që ka Presidenti Trump, dhe ai do punojë më tej dhe do e mposhtë Joe Biden-in për të shpëtuar Amerikën.”
Disa nga “shkarjet” publike të Biden-it kanë qenë ndoshta më të këqija se ato të Trump-it. Në vitin 2022, ai pyeti nëse një kongresmene që kishte vdekur së fundmi në një aksident me makinë ishte në një takim në Shtëpinë e Bardhë.
Vitin e kaluar, ai iu referua luftës në Ukrainë si lufta në Irak. Në një takim të fushatës në Las Vegas këtë muaj, Biden sugjeroi se së fundi u takua me ish-presidentin francez François Mitterrand, i cili vdiq pothuajse tridhjetë vjet më parë, përpara se të korrigjohej shpejt. Më vonë, ai ngatërroi kancelaren gjermane Angela Merkel me të ndjerin Helmut Kohl. Të enjten, ai ngatërroi presidentin meksikan me atë egjiptian.
Por ndërsa Trump e ka zakon të bëjë komente të çuditshme në çdo tubim që mban, shpeshtësia e paraqitjeve të tij publike mund të zvogëlojë ndikimin në mendjet e votuesve të ndonjë prej atyre deklaratave. Ndërkohë, disa votues kanë përshtypjen se Biden po i shmanget publikut.
“Kur shikoni qasjen dhe transparencën ndaj publikut, ju shihni një ndryshim”, thotë Scott Strunc, një pronar republikan i një biznesi të vogël nga Omaha, i cili e mbështeti Trump-in në vitin 2020, por thotë se ai nuk do votojë më për të.
“Nuk ka një ngurrim nga Trump, por duket se ka një tërheqje të presidentit Biden.”
Vendimi i Biden për të folur me gazetarët të enjten për t’iu përgjigjur raportit të Hur, theksoi se sa rrallë ai merr pjesë në takime të tilla. Ai ka pasur më pak konferenca për shtyp dhe intervista se paraardhësit e tij dhe ka zgjedhur të anashkalojë intervistën tradicionale të Super Bowl këtë fundjavë.
Ndërsa po merr pjesë në mitingje dhe mbledhje fondesh, ai po merr gjithashtu këshillat e këshilltarëve të cilët e kanë nxitur të bëjë më shumë ndalesa informale të fushatës, të cilat ata besojnë se i përmbushin pikat e tij të forta si politikan dhe e ndihmojnë atë të duket më i ri.
Duke iu bashkuar presidentit në një udhëtim të fundit në autokolonën e tij, një mbështetës tha se ishte i befasuar kur zbuloi se Biden dukej “shumë i mprehtë”. Dhe ekipi i tij është i përqendruar në kundërshtimin e Trump dhe Biden për çështje përveç moshës dhe mprehtësisë.
“Ka dallime të mëdha midis Presidentit dhe Donald Trump-it dhe kjo është në fund të fundit ajo për të cilën amerikanët do votojnë në nëntor,” shkroi zëdhënësja e fushatës Lauren Hitt në një deklaratë për TIME.
“Presidenti Biden ishte presidenti i parë që eci në vijën e hollë të vendimeve dhe Donald Trump dëshiron t’u japë edhe më shumë ulje taksash miqve të tij në Park Avenue. Biden do rikthejë të drejtën e abortit dhe Trump do e ndalojë abortin në nivel kombëtar. Presidenti Biden do mbrojë demokracinë tonë dhe Donald Trump është një mohues i zgjedhjeve.”
Megjithatë, një sondazh i fundit i Gallup tregoi se më pak se një e treta e amerikanëve do të ishin të gatshëm të votonin për një kandidat tjetër të kualifikuar të partisë së tyre mbi tetëdhjetë vjeç.
Një sondazh i Reuters/Ipsos zbuloi se tre të katërtat e amerikanëve, përfshirë më shumë se gjysmën e demokratëve, mendojnë se Biden është shumë i vjetër për të punuar në qeveri, me vetëm gjysmën e votuesve dhe një të tretën e republikanëve që thonë të njëjtën gjë për Trump-in.
Një sondazh i janarit i NBC gjeti numra pothuajse identikë duke thënë se ata kishin shqetësime për shëndetin e Biden, ndërsa më pak se gjysma e të anketuarve thanë të njëjtën gjë për Trump.
Një përmbledhje shëndetësore e lëshuar nga mjeku i Biden në fillim të vitit të kaluar e përshkroi atë si “të shëndetshëm”, “të fuqishëm” dhe “të aftë për të ekzekutuar me sukses detyrat e presidencës”.
Trump, i njohur për shfaqjen e shpeshtë të McDonalds dhe Coca-Cola, nuk është krejt i freskët, megjithëse mjeku i tij lëshoi një shënim në nëntor që tregonte se rezultatet e tij të analizave ishin normale, ai kishte humbur peshë dhe “provimet e tij për kujtesën ishin të jashtëzakonshme”.
Një strateg demokrat fajësoi standardin e dyfishtë të medias për shqetësimin joproporcional për moshën e Biden-it në krahasim me atë të Trump-it.
“Por ju kërkoni gjilpërën në kafshtë pak më shumë dhe është pak më e ndërlikuar”, shtoi strategu, i cili kërkoi anonimitetin për të folur më lirshëm për liderin e partisë së tij.
“Ndërsa dikush që e ka parë të plaket ndër vite, është në thelb i njëjti burrë që kam parë prej vitesh, por ai është thjesht…ecja e tij është kaq e ngurtë. Thjesht ndonjëherë u jep republikanëve, shumë material për ta shfrytëzuar.”
Beverly Hallberg, i cili u ofron republikanëve këshilla mediatike si presidente e District Media Group, thotë se Biden ka tërhequr prej kohësh vëmendjen për gafat e tij të herëpashershme. Kur ai u bë zëvendëspresident, thotë ajo, ato momente ndihmuan në kultivimin e një mentaliteti: “Joe është vetëm njëri prej nesh” për shumë votues.
“Ai mund të ngrihej dhe të drejtonte audiencën. Ai dukej i fortë kur fliste, bashkëtingëlloret e tij ishin të qarta”, thotë ajo.
Ajo që ka ndryshuar kohët e fundit, argumenton Hallberg, është mënyra se si Biden flet, të cilën ajo e përshkruan si një “ngacmim” dhe “mërmëritje”. Publiku pa një ndezje të asaj çështje kur ai iu përgjigj raportit të Hur të enjten mbrëma, duke shmangur fjalët kur ai foli për sa kohë kishte qëndruar me Prokurorin Special.Disa faktorë sipërfaqësorë po i formësojnë edhe perceptimet e votuesve.
Patrick Kenger, një stilist për meshkuj me Pivot Image Consultancy, thotë se flokët gri të Biden mund t’i bëjnë votuesit ta shohin atë si më shumë se tre vjet më të vjetër se Trump.
“Në mënyrë tipike, sa më shumë fije gri të kesh në flokë, mjekër, do dukesh më i vjetër,” thotë ai.
Për të qenë të drejtë, paraqitjet publike të të dy burrave tërheqin pjesën e tyre të duhur të shqyrtimit. Një foto e fundit e Getit u shfaq për të nxjerrë në pah se sa shumë grim kishte vënë Trump në fytyrën e tij shkëlqyese dhe portokalli në një miting në Ioëa. Megjithatë, Kenger shton se lëkura e Biden-it ka më pak pamje rinore se ajo e Trump-it.
“Ju mund ta lidhni këtë me gjenetikën,” thotë ai.
Kur Megyn Kelly i sugjeroi Trump-it në një intervistë në shtator se ai duhet të kishte gjene të mira, ai ra dakord, duke vënë në dukje se babai i tij jetoi deri në të 90-at.
“Është me të vërtetë një gjë prindërore,” tha ai.
“Unë besoj në teorinë e kalit të garës. Kuajt e shpejtë prodhojnë kuaj të shpejtë.”
Por, ndoshta duke ndjerë dobësitë e tij për çështjen e moshës, Trump humbi një mundësi për të sulmuar Biden për këtë çështje. Kur Kelly pyeti nëse Biden ishte shumë i vjetër për të qenë president, Trump tha se mosha nuk kishte të bënte me të.
“Mosha është interesante, sepse disa njerëz janë shumë të mprehtë dhe disa e humbasin atë”, tha Trump, duke shtuar, “Por jo, ai nuk është fare i vjetër. Ai është jashtëzakonisht i paaftë. Ju shikoni disa nga liderët e mëdhenj botërorë, ata ishin në të 80-at dhe e bënë më së miri detyrën. Churchill, kaq shumë njerëz, ata ishin fenomenal në të 80-at e tyre.”
Së shpejti, votuesit do vendosin nëse janë dakord.
“Unë jam i shqetësuar; tetëdhjetë vjeç është moshë e vjetër dhe ju duhet një president që mund ta bëjë punën,” thotë Ethan Hughes, një student 21-vjeçar në Ioëa dhe një demokrat.
“Unë nuk mendoj se është shqetësimi im kryesor.”
Hughes shton se ai definitivisht nuk do votojë për Trump. Ai është i kënaqur me arritjet e Biden-it. Ferma e gjyshes së tij në Mason City mori internet me shpejtësi të lartë vitin e kaluar. Dhe kur ai e ka parë Biden-in jashtë, Hughes ka qenë mjaft i kënaqur.
“Ai duket i shëndetshëm,” thotë Hughes.
“Ai është me biçikletë gjatë gjithë kohës. Ai është duke ecur përreth. Ha edhe ndonjë akullore, ndoshta, por kush nuk do ta bënte?”
VINI RE: Ky material është pronësi intelektuale e TIME
Përgatiti për Hashtag.al, Klodian Manjani
