Autoritetet në Zyrih u paguan dyfishin e pages, punëtorëve të qytetit për shkak të një gabimi teknik, thuhet në një deklaratë të publikuar të hënën në faqen zyrtare të Këshillit të Qytetit.
Sipas deklaratës, gabimi ndodhi kur Zuercher Kantonalbank (ZKB) në pronësi shtetërore, e cila merret me transfertat e pagave të qytetit, po përpunonte pagesat e këtij muaji. Një defekt për shkak të programit të gabuar ëoi në dërgimin e pagave dy herë.
Programi është siguruar nga një prej kontraktorëve të Sëisscom AG, kompania kryesore e telekomunikacionit në vend, e cila përpunon transaksionet e pagesave për ZKB. Në një deklaratë të hënën vonë, kompania tha se ishte në dijeni të incidentit dhe kishte nisur një hetim të brendshëm për shkakun e tij.
Në total, pagesat e pagave të së hënës arritën në rreth 350 milionë franga (400 milionë dollarë), gjysma e të cilave u dërgua gabimisht.
Autoritetet e Zyrihut thanë se punonjësit e qytetit, rreth 30,000 njerëz, nuk mund të mbajnë fondet shtesë dhe janë të detyruar t’i kthejnë ato. Deklarata nuk ishte e qartë se si do arrihej kjo, duke thënë vetëm se njerëzit e prekur do “informohen menjëherë për hollësitë e shlyerjes”.
