Ish-guvernatorja e Karolinës së Jugut, Nikki Haley do të njoftojë të mërkurën se po largohet nga gara presidenciale republikane, sipas burimeve të njohura me planet e saj, duke i hapur rrugën ish-presidentit Donald Trump.
Haley ishte shfaqur si rivalja e vetme e ish-presidentit Donald Trump në fushatën paraprake presidenciale republikane dhe ndërsa ai fitoi në 14 nga 15 garat e Republikanëve në Super të Martën, ajo mori fitore në Vermont.
Përgjatë zgjedhjeve paraprake republikane të së martës Super, Haley fitoi vetëm 43 nga delegatët republikanë ndërsa Trump fitoi 764.
Përpara zgjedhjeve paraprake në Karolinën e Jugut në shkurt, Haley u zotua të qëndrojë në garë deri në Super të Martën më 5 Mars, duke thënë se do të vazhdojë të konkurrojë në zgjedhjet paraprake “derisa të votojë personi i fundit, sepse unë besoj në një Amerikë më të mirë dhe një Amerikë më të ndritshme”.
Haley, e cila ishte ambasadorja e Trumpit në Kombet e Bashkuara, ishte e fundit nga një duzinë kandidatëve kryesorë që ish-presidenti i mposhti në zgjedhjet paraprake të Republikanëve që ai dominoi nga fillimi në fund, edhe pse ai anashkaloi debatet e partisë.
Haley pritet të mbajë fjalime në Charleston, Karolina e Jugut në orën 10:00 me orën lokale amerikane.
