Situata e krijuar në Kuvendin e Shqipërisë, ku prej 5 muajsh është bllokuar jeta parlamentare e vendit, ka bërë që vetë kryetarja e Kuvendit Lindita Nikolla, të kërkoje një takim me kryetarët e grupeve parlamentare.
Në takim, i cili ka zgjatur mbi 3 orë, kanë marrë pjese Bledi Çuçi, Gazment Bardhi, Dashamir Shehi, Mesila Doda.
Nikolla u ka kërkuar kryetareve të grupeve parlamentare që të gjejnë një zgjidhje për krizën parlamentare.
Sipas informacioneve bëhet me dije, se kreu i Grupit Parlamentar të PD-se, Gazment Bardhi ka kërkuar ngritjen e disa komisioneve hetimore parlamentare, bashkëkryetarin e reformës zgjedhore, si dhe të merren në konsideratë nismat ligjore të propozuara në Kuvend nga deputetët e opozitës.
Negociatat që vijnë pas 5 muajsh, duket se jenë nxitur edhe nga faktori ndërkombëtar, ku bëhet me dije, se eksponentë të të dyja kampeve, janë ftuar nëpër seli diplomatike, dhe u është kërkuar të gjejnë rrugën për zgjidhjen e krizës.
Prej muajsh opozita proteston sepse kërkon komisionet hetimore dhe ndryshimin e rregullores së perjashtimit që miratuan socistët.
Parlamenti është zhvilluar në seanca rekord duke miratuar brenda pak minutash rendin e ditës dhe më pas duke mbyllur seancën.
