Një shkollë në Indinë jugore ka prezantuar ‘IRIS’, robotin e parë humanoid me fuqi ‘mësuesi’ me inteligjencë artificiale (AI), i aftë për detyra komplekse.
‘Maker Labs’, firma indiane e robotikës që ka ndërtuar ‘IRIS’, e përshkruan robotin si një “mjet mësimor të gjithanshëm me aftësi ndërvepruese”.
Ai vjen i pajisur me një procesor Intel dhe një bashkëprocesor për detyrat e manovrimit. Përdoruesit mund të kontrollojnë dhe ndërveprojnë me robotin duke përdorur një ndërfaqe të aplikacionit Android, sipas prodhuesit.
‘IRIS’ është i pajisur me një asistent zanor të bazuar te Inteligjenca Artificiale për të ofruar “shpjegime” dhe për të ofruar “përmbajtje edukative”, tha zhvilluesi. Mund të lëvizë në një platformë me rrota dhe të “manipulojë objekte, të kryejë demonstrime dhe të përfshihet në aktivitete mësimore praktike”.
Në fillim të kësaj jave, një robot ‘IRIS’ u prezantua në Shkollën e Mesme të Lartë KTCT në Thiruvananthapuram, kryeqyteti i shtetit Kerala, i cili ka shkallën më të lartë të shkrim-leximit (94%) midis të gjitha shteteve indiane. ‘Maker Labs’ ngarkoi gjithashtu video të robotit, i veshur me një ‘sari’ (veshje) tradicional indian, duke ndërvepruar me studentët në një klasë.
Qeveria indiane po kërkon të shfrytëzojë fuqinë e Inteligjencës Artificiale në sektorë të ndryshëm, përfshirë kujdesin shëndetësor, bujqësinë dhe arsimin.
Të enjten, kabineti miratoi “Misionin e Indisë AI” me një shpenzim prej 1.2 miliardë dollarësh për pesë vitet e ardhshme. Nëpërmjet nismës, Nju Delhi do të ofrojë subvencione për kompanitë vendase që punojnë në teknologjinë e AI.
