Kryeministri izraelit Netanyahu iu përgjigj presidentit amerikan Biden, i cili më herët tha se Netanyahu më shumë po e dëmtonte Izrarlin se po e ndihmonte.
“Këto nuk janë vetëm politikat e mia private, ato janë politika të mbështetura nga shumica dërrmuese e izraelitëve,” tha Netanyahu për mediat amerikane.
Ai foli një ditë pasi Biden i tha MSNBC se politikat e Netanyahut në Gaza “po e dëmtonin Izraelin më shumë sesa duke ndihmuar Izraelin”.
Netanyahu tha se nëse Biden do të thoshte “që unë po ndjek politika private kundër dëshirës së shumicës së izraelitëve dhe se kjo po dëmton interesat e Izraelit, atëherë ai e ka gabim në të dyja aspektet”.
Autoriteti Palestinez nuk mund të marrë kontrollin e Gazës
Izraelitët mbështesin aksionin e IDF-së në Gaza për të shkatërruar Hamasin dhe ata nuk mbështesin kthimin e Autoritetit Palestinez në Gaza që mbështet terrorizmin dhe as nuk duan të shohin shtetin e njëanshëm palestinez, tha Netanyahu.
“Sapo të shkatërrojmë Hamasin, gjëja e fundit që duhet të bëjmë është të vendosim në Gaza, në krye të Gazës, Autoritetin Palestinez që edukon fëmijët e tij me terrorizëm dhe paguan për terrorizmin,” shpjegoi ai.
