Raiffeisen Bank e Austrisë, huadhënësi më i madh i huaj në Rusi, rrezikon “të shkëputet nga sistemi financiar amerikan” nëse zbulohet se ka ndihmuar në financimin e ushtrisë ruse, sipas Departamentit të Thesarit të SHBA-së, siç citohet nga Reuters.
“Si pjesë e shtytjes së ripërtërirë të Uashingtonit ndaj sanksioneve, kjo do nxiste bankat austriake të shqyrtojnë ekspozimin e tyre rus dhe të ‘marrin masa zbutëse’”, tha zyrtarja e lartë e Thesarit të SHBA-së, Anna Morris në fillim të kësaj jave.
Raiffeisen ka konfirmuar diskutimet me SHBA-në mbi sanksionet e mundshme për të bërë biznes në Rusi, raportoi të shtunën faqja e lajmeve EUobserver.
Gjiganti bankar nuk dha hollësi të mëtejshme, duke thënë se zakonisht nuk “komenton publikisht diskutimet me përfaqësuesit e autoriteteve, si çështje parimore”.
Raiffeisen është një nga huadhënësit e fundit të mëdhenj perëndimor që ende punon në Rusi. Banka është një nga vetëm dy bankat e huaja në listën e 13 institucioneve të kreditit të rëndësishëm sistematikisht të bankës qendrore ruse, ndërsa tjetra është UniCredit e Italisë. Huadhënësi holandez ING, Commerzbank e Gjermanisë dhe Deutsche Bank, OTP Bank e Hungarisë, Intesa SanPaolo e Italisë dhe SEB e Suedisë gjithashtu mbajnë një prani në tregun rus.
Vitin e kaluar, huadhënësi austriak njoftoi planet për të shkëputur biznesin e tij rus deri në shtator, pas presionit në rritje nga qeveritë perëndimore. Grupi RBI që zotëron bankën i ka rezistuar kërkesave nga SHBA dhe BE për të përshpejtuar daljen e saj nga Rusia. Banka Qendrore Evropiane (BQE) gjithashtu i ka bërë presion huadhënësit që të largohet nga tregu rus.
