Gjykata e lartë e Francës ka vendosur që bankieri i BNP Paribas, Bertrand Lavigne, i cili fitoi 4.5 milionë euro në një rast shkarkimi të padrejtë, nuk mund t’i mbajë eurot, raportoi Bloomberg të hënën.
Vendimi, që thuhet se u dha më 6 mars pas konsultimeve ligjore me gjyqtarët e BE-së, bazohej në gjetjet se pretendimi i Lavigne i paraqitur në Francë ishte i ngjashëm me atë që ai ngriti kundër së njëjtës kompani në Britani, ku iu dhanë rreth 100 mijë euro.
Gjykata franceze konstatoi se pretendimet e Lavigne ishin të papranueshme në këto rrethana, pasi ato “ishin të lidhura me kontratën e tij të punës me të njëjtin punëdhënës”.
Vendimi anulon fitoren e tij në vitin 2019 në gjykatën e apelit të Parisit, duke i dhënë fund një dekade procesi gjyqësor në Francë. Paditësi u pushua nga BNP në vitin 2013 pas një karriere 15-vjeçare në bankën e dytë më të madhe në Evropë
.Lavigne drejtoi departamentin e normave të interesit dhe tregtimit të FX për rajonin e Azis-Paqësorit në Singapor dhe më pas menaxhoi një degë në Londër. Shkarkimi nga puna ndodhi mes një hetimi për manipulimin e normës bazë.
Sipas dosjeve gjyqësore të parë nga agjencia e lajmeve, Lavigne pretendoi se ai kaloi gati dy vjet pa fituar para pasi humbi punën në BNP.Gjykata e Britanisë nuk gjeti prova për sjellje të pahijshme nga ana e bankierit. Bazuar në këtë përfundim, Lavigne ngriti një padi në Francë duke kërkuar dëmshpërblim shtesë.
Në vitin 2019, gjykata e apelit e Parisit tha në vendimin e saj se Lavigne kishte “pësuar dëm shumë të rëndë nga pikëpamja materiale, profesionale dhe morale” nga pushimi i pabazë dhe i dha një kompensim shumë më të madh.
BNP Paribas është një konglomerat financiar francez i renditur ndër katër bankat më të mëdha në Francë. Banka nuk e pranoi fajin, por pranoi të kontribuonte me 661,600 dollarë për projektet e edukimit financiar.
