INTERPOL paralajmëroi në një raport të paraqitur më 11 mars 2024, se Karteli i Gjeneratës së Re Jalisco (CJNG) u përfshi në biznesin e mashtrimit financiar.
Në “Vlerësimin e mashtrimit financiar”, Organizata Ndërkombëtare e Policisë Kriminale, INTERPOL paralajmëroi se përdorimi në rritje i teknologjisë po lejonte grupet e krimit të organizuar të gjenin më mirë viktimat e tyre në mbarë botën.
Sipas INTERPOL-it, llojet më të zakonshme të mashtrimit në “Amerikat” ishin vjedhja e identitetit, romancat e rreme për të përfituar nga viktima, mbështetja teknike, pagesa paradhënie dhe mashtrimi i telekomunikacionit.
“Ka prova në rritje se organizatat kriminale të Amerikës Latine si Comando Vermelho, Primeiro Comando da Capital (PCC) dhe Karteli i Gjeneratës së Re Jalisco (CJNG), gjithashtu marrin pjesë në kryerjen e mashtrimit financiar”, theksoi INERPOL.
Llojet më të zakonshme të mashtrimit në Amerikë janë phishing, romanca, mbështetja teknike, pagesa paraprake dhe mashtrimet e telekomunikacionit. Mashtrimi i nxitur nga trafikimi i qenieve njerëzore vazhdon të jetë një dukuri kriminale në rritje.
“Ne po përballemi me një epidemi në rritje të mashtrimit financiar, duke çuar në mashtrimin e individëve, shpesh njerëzve të cenueshëm dhe bizneseve në një shkallë masive dhe globale. Ndryshimet në teknologji dhe rritja e shpejtë në shkallën dhe vëllimin e krimit të organizuar kanë nxitur krijimin e një sërë mënyrash të reja për të mashtruar njerëzit e pafajshëm, bizneset dhe madje edhe qeveritë,” citohet të ketë thënë Sekretari i Përgjithshëm i INTERPOL-it, Jürgen Stock.
